Ən yüksək bal toplayanlar BANM-in “Açıq qapı” günündə
13-08-2024, 02:28. Разместил: heqiqet
SOCAR-ın Bakı Ali Neft Məktəbində (BANM) növbəti dəfə “Açıq qapı” günü keçirilib.“Açıq qapı” günündə I və II ixtisas qrupları üzrə imtahan vermiş abituriyentlər, ölkənin müxtəlif orta məktəblərinin şagirdləri və onların valideynləri iştirak ediblər.
Bu barədə BANM-dən məlumat verilib.
Görüş zamanı BANM-in rektoru Elmar Qasımov ali məktəbin üstünlükləri barədə ətraflı məlumat verib, SOCAR rəhbərliyinin diqqət və qayğısı sayəsində tələbələr üçün hər cür şərait yaradıldığını vurğulayıb. Rektor ali məktəb haqqında iştirakçıların suallarını cavablandırıb. O, yeni açılan kompüter elmləri ixtisası ilə yanaşı, tədris olunan digər ixtisaslar barədə ətraflı məlumat verib.
Sual-cavab sessiyasından sonra kampus turu təşkil olunub.
Вернуться назад