AYNA: Bakıda nağdsız ödəniş sisteminə qoşulan avtobusların sayı 2 minə çatdırılıb
10-01-2025, 11:31. Разместил: heqiqet
Ötən il Bakı şəhəri üzrə daşınan 476 milyon sərnişin üzrə ödənişlərin 77,5 faizi nağdsız qaydada olub.Bunu Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin (AYNA) İdarə Heyətinin sədri Anar Rzayev Nəqliyyat sahəsində 2024-cü ildə həyata keçirilən tədbirlər və 2025-ci il üçün planlar mövzusunda keçirilən mətbuat konfransında çıxışı zamanı deyib.
Anar Rzayevin sözlərinə görə, 2023-cü illə müqayisədə nağdsız ödəniş 17 faiz artıb.
“Bakı şəhərində nağdsız ödəniş sisteminə qoşulan avtobusların sayı 2022-ci ildə təxminən 1000 ədəd, 2023-cü ildə 1400 ədəd olduğu halda hazırda bu göstərici təxminən 2000 ədədə çatdırılıb. Bakı şəhəri üzrə 2024-cü ildə 2023-cü illə müqayisədə 28 milyon çox sərnişin daşınıb”, - deyə AYNA sədri əlavə edib.
Вернуться назад