Qaradağ rayonunda Veloidman növü üzrə birincilik keçirilib
24-11-2015, 13:35. Разместил: heqiqet
“Olimpiya Hərəkatı” proqramı çərçivəsində Veloparkda Qaradağ rayon tam orta məktəbləri arasında veloidman növü üzrə Bakı şəhər birinciliyinin rayon mərkələsi keçirilib.Yarışda rayonun 23 məktəbinin VII, VIII sinif şagirdləri iştirak edib. Yarış estafet şəklində hər komandanın tərkibi 3 oğlan 1 qız olmaqla keçirilib.
Tədbirdə Qaradağ rayon Gənclər və İdman İdarəsinin rəisi Elçin Abbasov, Azərbaycan Velosiped İdman Federasiyasının məsul işçisi Faiq Qurbanov iştirak edib.
Yarışda I yeri - 273, II yeri - 253, III yeri - 233 saylı məktəblərin komandaları tutublar. Qalib komandalar Qaradağ rayonunu Bakı birinciliyində təmsil edəcəklər. Qaliblər kubok və müvafiq dərəcəli diplomlarla təltif olunublar.
Вернуться назад