“Paris-2024”: Voleybol üzrə Türkiyə millisinin heyəti açıqlanıb

Qadın voleybolçulardan ibarət Türkiyə millisinin “Paris-2024” Yay Olimpiya Oyunları üçün heyəti açıqlanıb.
Türkiyə Voleybol Federasiyasının rəsmi saytına istinadən xəbər verilir ki, yığmaya 13 oyunçu dəvət olunub.
Bunlar Cansu Özbay, Elif Şahin, Melissa Varqas, Handə Baladın, Ebrar Karakurt, Tuğba İvəgin, Məliha Diken, Dərya Cəbəcioğlu, Əda Ərdəm, Aslı Kalaç, Zəhra Günəş, Gizəm Örgə və Bəyza Arıcıdır.
Qeyd edək ki, Türkiyə millisi iyulun 26-dan avqustun 11-dək təşkil olunacaq Paris Olimpiadasında C qrupunda yer alacaq. “Ay-ulduzlular” bu qrupda İtaliya, Niderland və Dominikan Respublikası yığmaları ilə mübarizə aparacaq.