İranlı general: 7 min terrorçu bu ölkəyə yerləşdirilib
24-01-2019, 12:42. Разместил: heqiqet
İran ordusunun Strateji Araşdırmalar Mərkəzinin sədri, general-mayor Əhməd Rza Pordastan İŞİD terrorçuları ilə bağlı yeni açıqlama verib. Onun sözlərinə görə, Səudiyyə Ərəbistanı və Birləşmiş Ərəb Əmirlikləri (BƏƏ) 7 min İŞİD üzvünü Əfqanıstana yerləşdirib."Anadolu" agentliyi bildirir ki, paytaxt Tehranda ordunun 40 illiyi bağlı keçirilən konfransda çıxış edən iranlı general İŞİD terrorçularının son həmlələri barədə geniş hesabat açıqlayıb.
İraqın Diyala vilayətində terrorçuların yenidən hərəkətə keçdiyini bildirən Pordastan, ölkələri regionda terrorla mübarizəyə çağırıb: "Bu gün 7 min İŞİD terrorçusu Səudiyyə Ərəbistanı və BƏƏ tərəfindən Əfqanıstana yerləşdirilib. Sözügedən ölkələrə imperialist güclər davamlı olaraq kömək qüvvə göndərir. Əgər bizə qarşı hücum etməyə çalışsalar, məhvedici cavab alacaqlar. Həmçinin hava müdafiə qüvvələrimiz sərhədlərə daim nəzarət edir, ölkəmizin maraqlarına qarşı bir hərəkətlilik olsa, əsgərlərimizə atəş açmaq səlahiyyəti verilib".
Вернуться назад