Bakı metrosunda problem - Qatar depoya göndərildi
20-12-2019, 07:20. Разместил: heqiqet
"Bakı Metropoliteni” QSC-nin mətbuat xidmətinin rəhbəri Bəxtiyar Məmmədov bildirib ki, bu gün səhər saat 07:00 radələrində metronun "İçərişəhər” stansiyasında qatarlardan birində texniki nasazlıq yaranıb:"Sərnişinlər boşaldılıb və qatar depoya göndərilib. Nəticədə metronun "qırmızı xətt” istiqamətində yəni "İçərişəhər” xətti ilə hərəkət edən qatarların intervalında 8 dəqiqəyə qədər gecikmə yaranıb. İntervalın pozulması iki qatar arasında olub. Təəssüf ki, bu ümumilikdə digər stansiyalarda da sərnişin sıxlığına səbəb olub.
Hazırda iki qatar arasında yaranan gecikmənin və ümumilikdə stansiyalarda qatarların qrafik üzrə hərəkətinin təmin olunması üçün tədbirlər görülür. Qısa müddətdə problem aradan qaldırılacaq”.
***
Səhər saat 08:36 radələrində Həzi Aslanov-Dərnəgül xətti üzrə hərəkət edən qatarda texniki problem yaranıb.
Bu səbəbdən qatarların gedişində gecikmələr baş verib. Qatarların hərəkətində gecikmə hələ də davam edir.
Texniki problem olması barədə sərnişinlərə maşinist məlumat verib.
Вернуться назад