Azərbaycanlı futbolçu karyerasını Türkiyədə davam etdirəcək
12-07-2016, 10:10. Разместил: heqiqet
Sankt-Peterburqun “Zenit” futbol klubunun sabiq azərbaycanlı oyunçusu Ramil Şeydayev karyerasını Türkiyənin "Trabzonspor" klubunda davam etdirəcək.Bu barədə “Zenit-2” klubunun məşqçisi Vladislav Radimov özünün sosial şəbəkəsindəki səhifəsində yazıb.
Bundan əvvəl “Trabzonspor” R.Şeydayev ilə danışıqların aparılmasını təsdiqləmişdi.
Qeyd edək ki, ötən gün Rusiya vətəndaşı olan R.Şeydayevin Azərbaycan millisində çıxış etmək üçün AFFA ilə danışıqlar apardığı bildirilirdi.
Ötən il R.Şeydayev “Zenit”-in əsas heyətində 5, klubun ikinci heyətində isə 13 oyun keçirərək 10 qol vurub. 2013-cü ildə Rusiyanın U-17 yığmasının heyətində Avropa çempionu olub.
Вернуться назад