Mərkəzi Bank makroiqtisadi və maliyyə sabitliyi hədəflərinə nail olmaq üçün səylərini səfərbər edəcək - Taleh Kazımov
29-07-2022, 07:35. Разместил: heqiqet
Cari ilin qalan dövrü və ortamüddətli dövrdə Mərkəzi Bank Azərbaycanın 2022-2026-cı illərdə sosial-iqtisadi inkişaf strategiyasını rəhbər tutaraq makroiqtisadi və maliyyə sabitliyi hədəflərinə nail olmaq üçün səylərini səfərbər edəcək.Bunu Mərkəzi Bankın sədri Taleh Kazimov mətbuat konfransında deyib.
Sədr bildirib ki, Mərkəzi Bankın İdarə heyətinin qərarı ilə faiz dəhlizinin parametrləri dəyişməz saxlanılıb.
"Bu qərarı şərtləndirən bir neçə daxili və xarici amillərə gəldikdə, birincisi, qlobal iqtisadiyyatdır. Müşahidə etdiyimiz qlobal iqtisadiyyatın artımı ilə bağlı qeyri-müəyyənliklər yüksək olsa da, tədiyyə balansı baxımından beynəlxalq konyuktura Azərbaycanın iqtisadiyyatı üçün əlverişli olaraq qalır. Ticarət şərtlərinin yaxşılaşması şəraitində xarici ticarət balansının profisiti ötən ilin eyni dövrü ilə müqayisədə 3.5 dəfə artıb. Bu əsas ixrac məhsullarının dünya qiymətlərinin yüksək olması və qeyri-neft ixrac potensialının reallaşması ilə izah olunur", - T.Kazımov deyib.
Вернуться назад