Xaçmazda Bayraq meydanının ətrafı abadlaşdırılır

Xaçmaz şəhərinin Bakı prospektində yerləşən Bayraq meydanının ətrafı abadlaşdırılır. Görülən işlər çərçivəsində meydanın kənarına müasir üsülda yeni istinad divarı çəkilir.
Xaçmaz Rayon İcra Hakimiyyətinin başçısı Elnur Rzayev yerli hüquq mühafizə orqanlarının rəhbərləri ilə birlikdə Bayraq meydanında olub, işlərin gedişi ilə maraqlanıb. Elnur Rzayev işlərin vaxtında və kefiyyətlə yerinə yetirilməsi istiqamətində müvafiq tapşırıqlarını verib.
Qeyd edək ki,bir hektar ərazini əhatə edən meydanda 85 metr hündürlükdə Azərbaycanın üç rəngli bayrağı əzəmətlə dalğalanır.