Qəzza zolağında quru əməliyyatında həlak olan İsrail hərbçilərinin sayı 75-ə çatıb

Qəzza zolağında hərbi əməliyyatlar nəticəsində İsrail Müdafiə Qüvvələrinin (IDF) daha üç hərbçisi həlak olub.
Bu barədə İsrail Müdafiə Qüvvələrinin mətbuat xidməti məlumat yayıb.
Bildirilib ki, həlak olanlardan biri təcili hərbi xidmət keçən 19 yaşlı serjant, digər 2 hərbçi isə 22 və 36 yaşlı tədaüdçü mayorlardır.
Beləliklə, Qəzza zolağında quru əməliyyatında həlak olan İsrail hərbçilərinin sayı 75 nəfərə çatıb.
Xatırladaq ki, oktyabrın 7-də İsrailə hücumlar olunub. Əvvəlcə Qəzza bölgəsindən reaktiv mərmilərlə kütləvi atəş açılıb, daha sonra döyüşçülər əraziyə qurudan, havadan və sudan daxil olublar.
İsrail müharibə vəziyyəti elan edib. Bundan başqa, İsrailin müdafiə naziri Yoav Qallant ehtiyatda olan hərbçilərin kütləvi çağırışını elan edib.