Azərbaycanda ÜDM istehsalı 1% azalıb
15-08-2017, 12:20. Разместил: heqiqet
2017-ci ilin yanvar-iyul aylarında ölkədə fəaliyyət göstərən müəssisə, təşkilat və fərdi sahibkarlar tərəfindən 37645,4 milyon manatlıq və ya əvvəlki ilin müvafiq dövrünə nisbətən 1% az ümumi daxili məhsul istehsal edilib. Dövlət Statistika Komitəsindən “APA-Economics”ə verilən xəbərə görə, bu dövrdə iqtisadiyyatın qeyri-neft sektorunda istehsal olunmuş əlavə dəyər 2,2% artıb, neft sektorunda isə 6,9% azalıb.Qeyri-neft sektorunun ÜDM-də xüsusi çəkisi 61,8% təşkil edib. Əlavə dəyərin 41,1%-i sənayedə, 10,6%-i ticarət; nəqliyyat vasitələrinin təmiri, 8,9%-i tikinti, 7,0%-i nəqliyyat və anbar təsərrüfatı, 5,4%-i kənd təsərrüfatı, meşə təsərrüfatı və balıqçılıq, 2,6%-i turistlərin yerləşdirilməsi və ictimai iaşə, 1,7%-i informasiya və rabitə, 15,6%-i isə digər sahələrdə istehsal edilib.
Məhsula və idxala xalis vergilər ÜDM-in 7,1%-ni təşkil edib. Əhalinin hər nəfərinə düşən ÜDM 3875,6 manata bərabər olub.
Вернуться назад