Qobustan rayon təşkilatında YAP-nın yaranmasının 24 illik yubileyi ilə əlaqədar tədbir keçirildi
23-11-2016, 16:37. Разместил: heqiqet
Bu gün Yeni Azərbaycan Partiyasının yaranmasının 24-cü ildönümü ilə bağlı rayonumuzda da bayram tədbiri yüksək səviyyədə, təntənə ilə qeyd edildi.Tədbirdən öncə ulu öndər Heydər Əliyevin abidəsi önünə gül dəstələri qoyulub, xatirəsi ehtiramla yad olundu.
Azərbaycan Respublikasının dövlət himni səsləndirildikdən sonra Yeni Azərbaycan Partiyasının yaradıcısı, müasir respublikamızın xilaskarı ümummilli lider Heydər Əliyevin əziz xatirəsi birdəqiqəlik sükutla yad edildi..
YAP Qobustan rayon təşkilatının sədri, Füzuli Gülaliyev çıxış edərək qeyd etdi ki, YAP Azərbaycanın ən güclü siyasi təşkilatı olmaqla ölkəmizin ictimai-siyasi həyatında fəal rol oynayır: “700 minə yaxın üzvü olan partiyamız ötən 24 ildə çətin və şərəfli yol keçib. Müstəqilliyimizin ilk illərində tarixi zərurətdən yaranan Yeni Azərbaycan Partiyası qısa zamanda iqtidar partiyasına çevrildi. Bu bir faktdır ki, ölkəmizdə Yeni Azərbaycan Partiyasının yaradılması mühüm ictimai-siyasi hadisə kimi tarixə düşdü. YAP-ın yaranma zərurəti həm də ağır vəziyyətdə yaşayan xalqın sosial sifarişi kimi şərəfli tariximizə yazıldı”.1992-ci ildə hakimiyyət vəziyyətdən neçə çıxmağın yolarını bilmirdi: “Xalq isə çıxış yolunu ümummilli lider Heydər Əliyevin hakimiyyətə gəlməsində görürdü. Nəhayət, "91-lər"in müraciətindən sonra ulu öndər Heydər Əliyev partiyanın yaradılmasına və ona rəhbərlik etməsinə razılıq verdi. Beləliklə, 21 noyabr 1992-ci il tarixində Naxçıvan şəhərində Yeni Azərbaycan Partiyasının təsis konfransı keçirildi. Heydər Əliyevə xalqın böyük inamı olduğu üçün YAP qısa müddətdə təşkilatlandı və ölkənin ən nüfuzlu siyasi qüvvəsinə çevrildi”. F.Güləliyev çıxışının sonunda bildirdi ki, “Yeni Azərbaycan Partiyası hər zaman Azərbaycan dövlətçiliyinə, ümummilli liderimiz, partiyanın yaradıcısı ulu öndər Heydər Əliyevə, onun siyasi ideyalarına sadiq olmuşdur. YAP öz fəaliyyətinin başlıca mənasını xalqa xidmətdə görür. Yarandığı zamandan Yeni Azərbaycan Partiyası cəmiyyətimizdə sülh, əmin-amanlıq, milli həmrəylik və demokratiyanın bərqərar edilməsini, Azərbaycanın dövlət müstəqilliyinin möhkəmləndirilməsini, hüquqi-demokratik dövlətin yaranmasını, geniş demokratik islahatların həyata keçirilməsini qarşısına məqsəd kimi qoyub və bu missiyanı ləyaqətlə həyata keçirir.
Yığıncaqda iştirak edən Qobustan rayon İcra Hakimiyyətinin başçısının birinci müavini Məharət Əkbərov çıxış edərək qeyd etdi ki, ki, Yeni Azərbaycan Partiyası siyasi sistemin monolit gücü və avanqard siyasi institutudur: “YAP sahib olduğu resurslara, ictimai-siyasi nüfuzuna, özünün fəaliyyət mexanizminin səmərəlilik səviyyəsinə və siyasi sistemdəki avanqard yerinə görə Azərbaycan siyasi palitrasının ən güclü və nüfuzlu siyasi partiyasıdır. Ötən 24 il ərzində YAP böyük bir inkişaf yolu keçib və bu gün Yeni Azərbaycan Partiyası ölkə Prezidenti İlham Əliyevin rəhbərliyi ilə inkişafının yeni mərhələsini yaşayır: “Bu partiyanın ötən 24 il ərzində nəinki ölkənin, eyni zamanda, regionun ən böyük siyasi partiyasına çevrilməsinin və sosial dayaqlarının gündən-günə güclənməsinin arxasında yatan səbəbləri araşdırarkən diqqət edilməli olan nüanslar var. Çünki, siyasi partiyaların gücünü formalaşdıran və ona böyük ictimai dəstək verən başlıca detallardan biri həmin təşkilatların liderləri və onlara cəmiyyətin verdiyi dəstəklə bağlıdır”. Sonda İcra başçısının müavini M.Əkbərov iştirakçıları bu bayram münasibəti ilə təbrik edərək,uğurlar arzuladı. 
Daha sonra YAP Qobustan rayon təşkilatı fəallarından Cəfərov Zaur, Maxsudova Lalə, Şikarov Aftandil, Eyyubov Əmrağa, Ağayev Abdulhəsən və digərləri çıxış edərək qeyd etdilər ki, yarandıqdan bu günə qədər partiyamız çox böyük, şərəfli və uğurlu yol keçib. Onların sözlərinə görə, Yeni Azərbaycan Partiyası xalqımız tərəfindən birmənalı şəkildə dəstəklənərək ümumxalq partiyasına çevrilib. YAP-ın, cəmiyyətimizin inkişafına yönəlmiş çoxsaylı sosial layihələri reallaşdırmasının, gəncləri dövlətçilik və milli maraqlar ətrafında sıx birləşdirməsinin onun tərəfdarlarının sayının artmasına səbəb olduğunu, əsası Ümummilli lider Heydər Əliyev tərəfindən qoyulan inkişaf strategiyasının bu gün Prezident İlham Əliyev tərəfindən uğurla davam etdirilməsi nəticəsində Azərbaycanın güclü, qüdrətli dövlətə çevrildiyini xüsusilə vurğuladılar.Azadə Rəssam
Вернуться назад