"Bakı Əyləncə Mərkəzi"ndə toy şənliyi keçirməklə özünüzü peşman etməyin
13-10-2015, 15:08. Разместил: heqiqet
Xətai rayon ərazisində yerləşən "Bakı Əyləncə Mərkəzi"ndə toy mərasimi keçirmək ilk andan hamıya xoş gəlsə də, sonradan peşman olub, gərgin əsəb keçirməli olur. Çoxlarını peşman edib, yola salan bu əyləncə mərkəzinin yalan vədlərinə inanıb, toy şənliyi keçirən bir qohumumun şənliyində biz də iştirak etdik... Burada olan nöqsanları, çatışmazlıqları, düzgün olmayan halları saymaqla bitməz. Hər halda bəzi məqamları qeyd etmək məcburiyyətindəyik.
Belə ki, zala daxil olan hər kəs özü ilə çoxlu pambıq gətirməlidir ki, musiqinin az qala insanı dəli etmək dərəcəsinə gətirməsindən qorusun. Stolların üzərindəki yeməklərə gəldikdə isə, onu demək istəyirik ki, keyfiyyətsizlik bir yana, 12 nəfərə 8 tikə kababın verilməsi, 2 boşqabın hər birində iki-üç tikə buğlamanın olması, eyni adlı salatların çox az sayda və dadsız olması, digər çatışmayan hallar adambaşına 35 manat olan yeməyin demək olar ki, 10-15 manatı qədər ola bilər...Qaldı ki, xidmət göstərənlərə, musiqi ifa edənlərə və digərlərinə, sanki dilənçidirlər. Heç bir sifarişi pulsuz yerinə yetirmirlər. Bizim iştirak etdiyimiz "Eliza" zalında vəziyyət olduqca acınacaqlıdır. Axı, əvvəlcədən danışılmış məbləğdə hər şey nəzərdə tutulmuşdur.
Cənab müdiriyyət, niyə belə soyğunçuluğa yol verilir? Stola xidmət edənə nəyisə gətir deyəndə, deyir ki, müdiriyyət icazə vermir...
Hələ çoxlarını demədiymiz hallar insanları talamaq, sözün həqiqi mənasında hərfləmək, ən əsası da dövlət qanunlarına qarşı hörmətsizlik deyil, bəs nədir?
Bu qədər talançılığın qarşısında dövlət vergisinin dəqiq ödənilməsi heç də inandırıcı görünə bilməz.
Biz yekun olaraq bunu demək istəyrik ki, Xətai rayonundakı "Bakı Əyləncə Mərkəzi"ndə toy şənliyi keçirməklə özünüzü peşman etməyin. Canınıza, pulunuza, qonaqlarınıza yazığınız gəlsin...
Mövzuya qayıdacağıq.
İlkin Əzizxanoğlu
Вернуться назад