Qeyri-qanuni işdən çıxarılan 12 nəfər geri qaytarılıb
19-04-2016, 16:32. Разместил: heqiqet
Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən cari ilin birinci rübündə Xidmətə ünvanlanan vətəndaş müraciətləri diqqətlə və obyektiv şəkildə araşdırılaraq, əmək qanunvericiliyinin tələblərinin yerinə yetirilməsi üçün müvafiq işlər aparılıb.ƏƏSMN-nin mətbuat xidmətindən verilən məlumata görə, bu ilin yanvar-mart aylarında Xidmət tərəfindən 733876 manat məbləğində gecikdirilmiş sosial xarakterli ödənişlərin işəgötürənlər tərəfindən işçilərə ödənilməsi təmin olunub. Qeyd olunan məbləğin 97 faizə qədərini gecikdirilmiş əmək haqları, qalan hissəsini işəgötürənlər tərəfindən işçilərə ödənilməsi gecikdirilən sosial müavinətlər və kompensasiyalar, zərərə görə ödənclər təşkil edib.
Həmçinin sosial xarakterli ödənişlərin gecikdirilməsi hallarına yol verən işəgötürənlərə bu ödənişlərin vaxtlı-vaxtında ödənilməsi ilə əlaqədar qanunvericiliyin müvafiq maddələri üzrə hüquqi izahatlar verilib. Bununla yanaşı, yanvar-mart aylarında vətəndaş müraciətlərinin araşdırılması zamanı 12 nəfər işçinin qeyri-qanuni şəkildə işdən azad edildiyi müəyyən olunaraq, onların yenidən öz əvvəlki işinə bərpa olunması təmin edilib.
Вернуться назад