Qadın güləşində ilk gün idmançılarımız üçün uğurlu başlayıb
24-08-2023, 10:09. Разместил: heqiqet
Azərbaycan idmançılarının Rusiyanın Yekaterinburq şəhərində keçirilən Beynəlxalq Universitet İdman Festivalında uğurlu çıxışları davam edir.Qadın güləşi üzrə təmsilçilərimiz ilk gündə qələbə qazanıblar.
Dörddəbir finalda Sultanova Birgül (65 kq) Rusiya təmsilçisi Alina Rybkinanı son saniyələrdə məğlubiyyətə uğradaraq növbəti mərhələyə keçib - 7:6
Gültəkin Şirinova (53 kq) Rusiya təmsilçisi Daria Xvostovanı qısa müddətdə böyük hesablı qələbə qazanaraq növbəti mərhələyə keçib - 5:0. Bununla da o, yarımfinala vəsiqə qazanıb.
Qeyd edək ki, avqustun 19-dan 31-dək keçiriləcək Beynəlxalq Universitet İdman Festivalı Yekaterinburq şəhərinin 300 illik yubileyinə həsr edilib. 36 ölkədən müxtəlif universitetlərin tələbələri 14 idman növündə qüvvələrini sınayırlar.
Festivalda Azərbaycanı 10 təhsil ocağından 54-ü kişi 15-i qadın olmaqla 69 idmançı təmsil edir. Təmsilçilərimiz 8 idman növündə - badminton, stolüstü tennis, boks, güləş, taekvondo, futzal, üzgüçülük, sambo üzrə yarışırlar.
Вернуться назад