Ukraynalı məşqçi: "Azərbaycan, belə gözəl təşkil edilmiş idman tədbirinə görə təşəkkür!"

Azərbaycan irimiqyaslı idman tədbiri – I Avropa Oyunlarının təşkili məsələlərinin öhdəsindən yaxşı gəlib.
Bu barədə Bakıda I Avropa Oyunları çərçivəsində suya tullanma üzrə Ukrayna komandasının məşqçisi Sergey Qumenyuk deyib.
Onun sözlərinə görə, I Avropa Oyunları çərçivəsində yarışlar yaxşı əhvali-ruhiyyədə keçir və yüksək səviyyədə təşkil olunub: “İlk dəfədir Bakıdayam. Bu cür ciddi oyunlara belə hazırlıq işləri məni heyrətləndirdi. Hər şey yüksək səviyyədə və nizamlı şəkildə təşkil olunub. Azərbaycan, belə gözəl təşkil edilmiş idman tədbirinə görə təşəkkür!”