"Xalq şairi Sabir Rüstəmxanlı" adlı elmi araşdırmalar toplusu çapdan çıxıb

AMEA Nizami adına Ədəbiyyat institunun Müstəqillik dövrü Azərbaycan ədəbiyyatı şöbəsinin hazırladığı "Xalq şairi Sabir Rüstəmxanlı" adlı elmi araşdırmalar toplusu "Elm və təhsil" nəşriyyatında nəfis şəkildə çap edilmişdir.
"Sənətkarın elmi pasportu" silsiləsindən buraxılmış, 484 səhifəlik kitaba institutun direktoru, akademik İsa Həbibbəyli "Xalq şairi Sabir Rüstəmxanlı: millilik, vətəndaşlıq və müasirlik" adlı geniş Ön söz yazmışdır.
AMEA-nın müxbir üzvü Tehran Əlişanoğlunun, fəlsəfə elmlər dokturu Rahid Uluselin, filoloğiya elmləri doktorları Salidə Şərifova və Mərziyyə Nəcəfovanın, filoloğiya üzrə fəlsəfə doktorları Qurban Bayramov və Bahar Bərdəlinin, böyük elmi işçi Mənzər Niyarlınnın, kiçik elmi işçı Hənifə Səlifovanın yazdıqları bölümlərdə mənim həyatım, ədəbi və ictimai- siyası fəaliyyətim bütün cəhətləri ilə araşdırılıb yüksək peşəkarlıqla dəyərləndirilmişdir...Kitabın sonunda Turan Qasımovanın hazırladığı geniş bir ədəbiyyat siyahısı verilmişdir...Bu xəbəri yazmaqla, təbii ki, ilk növbədə öz uğurumu paylaşmaq istəyirəm; lakin əsas bu deyil; əsas məqsədim bu kitabı düşünüb, yazıb ərsiyə gətirənlərin hamısına öz dərin təşəkkür və minnətdarlığımı çatdırmqdır..
Mənə də doğma olan Ədəbiyyat institituna, köhnə dostlarım və həmkarlarıma ürəkdən, "sağ olun, var olun!" deyirəm...