Bakıda klinikaya müayinəyə gələn qadın özünü binadan atdı

Azərbaycan Tibb Universiteti Tədris Cərrahiyyə Klinikasında intihar baş verib.
Klinikaya müayinəyə gəlmiş Aysel Xəlilova özünü klinikanın 10-cu mərtəbəsindən atıb.
Klinikanın 4-cü mərtəbəsinin eyvanına çırpılan A.Xəlilova vəfat edib.
Faktla bağlı Nəsimi Rayon Prokurorluğunda araşdırma aparılır.
Azərbaycan Tibb Universitetindən Trend-in sorğusuna cavab olaraq bildirilib ki, baş vermiş hadisə ilə bağlı hüquq mühafizə orqnları araşdırma aparır.
Araşdırmalar başa çatdıqdan sonra istintaq orqanı hadisəyə hüquqi qiymət verəcək.