Bir qrup mətbuat əməkdaşları növbəti layihəsini Türkiyənin Ankara şəhərində keçirdi

Bir qrup mətbuat əməkdaşları 02.08.2022-ci il tarixində növbəti layihəsini Türkiyənin Ankara şəhərində keçirdi. Tədbir bir neçə muzeylərdə təşkil olundu. Bu tədbirlərdə Layihənin rəhbəri yazıçı Mahilə Qurbanova tərəfindən bir neçə kitab təqdimatları olundu.Bu kitablardan biri Lənkəran şəhər H.Aslanovun ev muzeyinin direktoru Həcər Nəsirovanın müəllif olduğu"Həzi Aslanovun Qəhrəmanlıqla Dolu Həyat Yolu"kitabı idi. Bu kitabın təqdimatı Ankara şəhərində Birinci Türkiyə Böyük Millət Məclisi Binasında "Kurtuluş Savaşı"muzeyində həyata keçirildi.Mahilə xanım H.Aslanovun qəhramanlıqla dolu həyat yolundan, qəhrəmanın Lənkərandakı ev muzeyi haqqında çıxış etdi. Qeyd etdi ki, H.Aslanovun ev muzeyinin direktoru Həcər xanım Nəsirovanın bu kitabı yazmaqda məqsədi qəhrəmanımızın həyat yoluna bir daha nəzər salmaq və gənc nəslə qəhrəmanlıq hislərini aşılamaqdır. O Həcər xanımın muzeyə gələn qonaqlara da hər zaman qəhrəman haqqında geniş məlumatlar verdiyini əlavə etdi. Eyni zamanda"Kurtuluş Savaşı"muzeyinin əməkdaşları kitabda olan H.Aslanovun ev muzeyinin şəkilləri ilə də tanış oldular. Sonda kitab "Kurtuluş Savaşı"muzeyində (I.TBMM Binası) muzeyin direktoru Fatma Hicret Un xanıma təqdim olundu və xatirə şəkli çəkildi.

Nahidə Aslanqızı,
yazıçı