Heqiqet.Az » siyaset » Türkiyə Milli Müdafiə Nazirliyi Zəfər Günü ilə bağlı paylaşım edib


Türkiyə Milli Müdafiə Nazirliyi Zəfər Günü ilə bağlı paylaşım edib

8-11-2023, 11:58
Çap et
Türkiyə Milli Müdafiə Nazirliyi 8 Noyabr - Zəfər Günü ilə bağlı paylaşım edib.
Bu barədə nazirliyin "X" sosial media hesabında qeyd edilib.
"Sən olasan Gülüstan, Sənə hər an can qurban,
Sənə min bir məhəbbət, sinəmdə tutumuş məkan.
Üç rəngli bayrağınla məsud yaşa, Azərbaycan!
Azərbaycan türkü qardaşlarımızı təbrik edir, salamlayırıq", - deyə paylaşımda bildirilib.
Xatırladaq ki, 2020-ci ilin noyabrın 8-də Azərbaycan xalqı üçün böyük əhəmiyyət kəsb edən və rəmzi məna daşıyan Şuşa şəhəri Ermənistan işğalından azad edilib. Azərbaycanın hərbi sahədə qazandığı qələbələr, xüsusilə Şuşanın düşmən işğalından qurtarılması müharibənin taleyində həlledici rol oynayıb. Azərbaycan Respublikasının Prezidenti İlham Əliyevin 2020-ci il 3 dekabr tarixli Sərancamı ilə hər il noyabrın 8-i Azərbaycan Respublikasında Zəfər Günü kimi təntənəli şəkildə qeyd edilməsi qərara alınıb.
Reytinq: