Qırğızıstanda "Bayraktar"ların iştirakı ilə hərbi təlimlər başlayıb

Qırğızıstanın İssık-Kul vilayətində "Qalxan-2022" hərbi taktiki təlimləri başlayıb.
Bu barədə ölkə prezidentinin mətbuat xidməti bildirib.
Qeyd olunur ki, ölkə tarixində ilk dəfə olaraq təlimlərdə "Bayraktar TB2" pilotsuz uçuş aparatları iştirak edib.
Təlimlərdə Müdafiə, Fövqəladə Hallar və Daxili İşlər nazirliklərinin, eləcə də, Milli Təhlükəsizlik Dövlət Komitəsinin Sərhəd Xidmətinin bölmələri iştirak edir.
Qeyd edək ki, Qırğızıstan 2021-ci ildə Türkiyədən bir neçə "Bayraktar TB2" PUA-ları satın alıb.