Heqiqet.Az » iqtisadiyyat » Pambıq tədarükü 204 min tonu ötdü


Pambıq tədarükü 204 min tonu ötdü

20-12-2017, 16:28
Çap et
Pambıq tədarükü 204 min tonu ötdü Havaların yağmurlu keçməsinə baxmayaraq, ölkədə pambıq tədarükü davam edir. Dekabrın 20-dək pambıq qəbulu məntəqələrinə 204 min 134 ton məhsul təhvil verilib.
Dövlət Statistika Komitəsindən bildiriblər ki, ötən gün 457 ton pambıq tədarük olunub.
Xatırladaq ki, son illər qeyri-neft sektorunun inkişaf etdirilməsi ilə bağlı görülən tədbirlər çərçivəsində ənənəvi kənd təsərrüfatı sahələrinin, o cümlədən pambıqçılığın inkişafı ön plana keçib, bu sahəyə dövlət dəstəyi artırılıb. Fermerlər bu dəstəkdən yararlanaraq ildən-ilə əkin sahələrini və məhsul istehsalını artırırlar. Belə ki, 2015-ci ildə 18 min hektar çiyid səpilmiş, 35 min ton məhsul yığılmışdısa, 2016-cı ildə əkin sahəsi 51 min hektar, tədarük 89 min ton təşkil etmişdi. Cari ildə pambıq tarlalarının sahəsi 136 min hektarı ötüb, məhsul yığımı isə ötən ilin ümumi göstəricisindən 2,4 dəfə çoxdur.
Reytinq: