2 nömrəli Uşaq-Gənclər İnkişaf Mərkəzinin təşkilatçılığı ilə Xalq artisti Roza xanım Cəlilova ilə onlayn görüş keçirilmişdir

Dünən Təhsil Nazirliyi 2 nömrəli Uşaq-Gənclər İnkişaf Mərkəzinin təşkilatçılığı ilə Azərbaycan Respublikasının xalq artisti, görkəmli rəqqasə, xoreqraf, baletmeyster Roza xanım Cəlilova ilə birlikdə onlayn görüş keçirilmişdir. Tədbirdə respublikamızda fəaliyyət göstərən uşaq-gənclər inkişaf mərkəzlərinin "Rəqs" dərnəklərinin rəhbərləri iştirak etmişdir.
Görüş zamanı Roza xanım Cəlilova rəqs sənətinin incəliklərindən, sənətə olan məhəbbətindən, eyni zamanda keçmiş illərdəki xoş xatirələrindən söhbət açdı. Roza xanım gənc həmkarlarına tövsiyə edərək bildirdi ki, rəqslər zamanı hərəkətlərin sinxronluğuna, geyimlərin rəqslə uyğunluğuna xüsusi diqqət yetirsinlər. Həmçinin Azərbaycqn xalq rəqslərini sevdirməyi, bu gözəl mirası daim təbliğ edərək, nəsildən nəsilə ötürülməsinin vacib olduğunu vurğuladı. Hətta bu gözəl görüş zamanı Roza xanım Cəlilova gənc həmkarının çıxışından təsirlənərək öz dəyərli kitabını ona hədiyyə etdi.
Sonda isə dərnək rəhbərlərinin suallarını cavablandıraraq, xoş arzularını səsləndirib yenidən görüşmək ümidi ilə sağollaşdı.