Azərbaycanlı müğənni Rusiyada sevgilisini axtarır

Gənc müğənni Anar Bayların “Unutma” mahnısının çəkilişləri Rusiyada, Sankt Peterburq şəhərində reallaşıb.
“Sən və mən” klipində olduğu kimi bu klipdə də müğənni tək olaraq rol alıb. Klipin süjet xəttinə əsasən ayrılıq yaşayan ifaçı sevdiyi insanın arxasınca gedən və getdiyi bütün məkanlarda onu axtaran insan obrazını canlandırır.
Gənc müğənni kliplə bağlı fikirlərini bölüşüb: “Çəkiliş meydançaları üçün əsasən tarixi və şəhərin simvolları sayılan məkanlara üstünlük vermişdik. Ümumi çəkiliş müddətində hərəkət istiqamətimiz boyu 75 km-dən çox məsafəni piyada olaraq qət etdik. Bu isə soyuq havada əlavə güc tələb eliyirdi və komandamız olaraq biz çəkilişləri istədiyimiz kimi yekunlaşdıra bildik. Rejissor Xalid Zeynalovla daha öncəki iki klipdə də birlikdə fəaliyyət göstərmişdik və onunla işbirliyimiz olduqca ürəkaçandır”.