Moskva-Banqkok təyyarəsi hava boşluğuna düşüb, sərnişinlər xəsarət alıb

Moskva-Banqkok marşrutu ilə hərəkət edən təyyarə havada boşluğa düşüb.
RİA "Novosti"nin verdiyi məlumata görə, təyyarənin hava boşluğuna düşməsi nəticəsində bəzi sərnişinlər yaralanıb. Sərnişinlər sınma, əzilmə, burxulma kimi müxtəlif xəsarətlər alıblar. Təyyarə yerə endikdən sonra onlar xəstəxanaya çatdırılıb.
Rusiyanın Tailanddakı səfirliyinin əməkdaşları xəstəxanada yaralılara baş çəkiblər.