250-dən çox sərnişin daşıyan gəmi batdı: Ölü və yaralılar var

Filippin adaları Sahil Təhlükəsizliyi İdarəsi hadisə nəticəsində ölən və yaralananların ola biləcəyini açıqlayıb.
Filippin Adaları Sahil Təhlükəsizliyi İdarəsinin sözçüsü Armand Balilo verdiyi açıqlamada 251 nəfəri daşıyan gəminin paytaxt Manilanın cənubunda batdığını söyləyib.
Gəminin batdığı bölgədə fırtına ilə müşahidə olunan güclü yağışın yağdığı da qeyd edilib.
Sözcü "ölü və yaralıların olduğu barədə xəbərlər alırıq" deyib. O, ətrafdakı gəmilərin dənizdəki bəzi sərnişinləri xilas etdiyini də bildirib.
Yerli radiolardan biri isə olayda 3 nəfərin öldüyünü bəyan edib.
Pis hava şəraiti və şiddətli dalğaların xilsaetmə tədbirlərini ləngitdiyi bildirilir.