NATO müdafiə xərclərini artırır

NATO ölkələri müdafiə xərclərinin azaldılmasını dayandırır. Bu barədə Alyansın baş katibi Yens Stoltenberq bildirib.
“Ən azından, NATO ölkələri artıq müdafiə xərclərinin azaldılmasını dayandırmağa və təhlükəsizlik sahəsinə daha çox sərmayə yatırmağa başlayıblar”, deyə o NATO ölkələrinin XİN rəhbərlərinin toplantısının yekunlarına dair açıqlamasında bildirib.
Yens Stoltenberq növbəti dəfə NATO ölkələrini müdafiə xərclərini artırmağa çağırıb. Alyansın tələblərinə əsasən, müdafiə xərclərinin həcmi milli ÜDM-in iki faizi səviyyəsində olmalıdır.