Putini 74 faiz rusiyalı dəstəkləyir

Rusiyada prezident seçkiləri keçirilərsə Vladimir Putinin namizədliyini 74 % ölkə vətəndaşı dəstəkləyəcək. Bu rəqəm son 4 il ərzində keçirilən sorğu nəticələrinin maksimal göstəricisi sayılır.
Ümumrusiya İctimai Rəyi Öyrənmə Mərkəzinin apardığı yeni sorğunun nəticələrinə görə, V.Putin seçki qabağı vədlərinin bir çoxunu yernə yetirməsə də, 74 % rusiyalı onu dəstəkləməyə hazırdır.
Eyni zamanda, 15 % əhali indiki Rusiya prezidentinə öz səslərini verməyəcək, 11 % isə - bu suala cavab verməyə hazır deyil.
V.Putinə dəstək sosial-demoqrafik qrupların bütün təbəqələrində müşahidə olunur. Onu dəstəkləməyə 71 % kişi (öncə 46 %), 78 % gənc insan (öncə 53 %), 80 % maddi cəhətdən yaxşı təmin olunmuş təbəqə (öncə 54 %) hazırdır.
Yanvarın 23-24-də keçirilən sorğuda Rusiyanın 130 məntəqəsindən 1,6 min insan iştirak edib.