Bakıda vəzifəli şəxs idarə etdiyi avtomobillə... - Dəhşətli HADİSƏDƏN YENİ XƏBƏR

Dünən gecə saatlarında Bakı şəhər Nərimanov rayonu ərazisində baş vermiş dəhşətli qəzada ölən şəxsin kimliyi müəyyənləşib.
Gecə saat 03 radələrində Nərimanov rayonu Heydər Əliyev prospektində "Toyota Prado” markalı minik avtomobilinin vurub öldürdüyü şəxsin Şəmkir rayon sakini, 1989-cu il təvəllüdlü Elçin İslamov olması dəqiqləşib.
Hadisə vaxtı "Toyota Prado” markalı avtomobili 1986-cı il təvəllüdlü Qayıbov Xəyal Rauf oğlu idarə edirmiş. O, bir sıra vəzifələrdə, eləcə də, bank filialının müdiri vəzifəsində çalışıb.
Bildirilir ki, minik avtomobili prospektdə sürətlə hərəkət edirmiş və qarşısına çıxan gənc oğlanı vuraraq 20 metr kənara atıb.
Faktla bağlı cinayət işi açılıb, araşdırma aparılır.