Avtomobilini yük maşınına çırpan sürücünün əcəli çatıbmış

Goranboy rayonunda baş vermiş yol-nəqliyyat hadisəsi zamanı bir nəfər ölüb, bir nəfər yaralanıb.
Daxili İşlər Nazirliyinin (DİN) mətbuat xidmətindən verilən məlumata görə, iyulun 14-də saat 23 radələrində Goranboy rayonunun Dəliməmmədli şəhərində şəhər sakini Aslan İbrahimov idarə etdiyi “VAZ-2106” markalı avtomobili yolun kənarında dayanmış həmyerlisi Nadir Muradova məxsus “MAN” markalı avtomobilə vurub.
Nəticədə A.İbrahimov və sərnişini, rayon sakini Yeganə İsmayılova xəstəxanaya yerləşdirilib, sürücü orada ölüb.
Faktla bağlı Goranboy RPŞ tərəfindən araşdırma aparılır.