Demo Sayt » hadise » Masallıda DƏHŞƏTLİ YANĞIN: ər-arvad diri-diri yandı - TƏFƏRRÜAT


Masallıda DƏHŞƏTLİ YANĞIN: ər-arvad diri-diri yandı - TƏFƏRRÜAT

8-05-2018, 10:46
Çap et
Masallıda DƏHŞƏTLİ YANĞIN: ər-arvad diri-diri yandı - TƏFƏRRÜAT Fövqəladə Hallar Nazirliyi xəbər verir ki, Masallı rayonu, Təzə Alvadı kəndində ümumi sahəsi 180 kv.metr (hər mərtəbəsi 90 m2) olan taxta konstruksiyalardan ibarət iki mərtəbəli 7 otaqlı evin dam örtüyü, 1-ci və 2-ci mərtəbəsinin yanar konstruksiyaları 120 kv.metr sahədə yanıb.
Yanğının kəşfiyyatı zamanı ev sahibinin oğlu, 1973-cü il təvəllüdlü Əzimov Namiq Kamran oğlu və onun həyat yoldaşı, 1983-cü il təvəllüdlü Əzimova Zeynəb Soltanabad qızının yanmış meyitləri aşkar olunub. Yanğın zamanı 1 nəfər yanıq xəsarəti alıb və 3 nəfər xilas edilib.
Evin qalan hissəsi yanğından mühafizə olunub. Yanğın yanğın bölmələri tərəfindən söndürülüb.
***
Masallı rayon Təzə Alvadı kənd bələdiyyə sədri Fəxrəddin Məmmədovun verdiyi məlumata görə, yanğın zamanı evdə 2 azyaşlı uşaq olub:
"Ev 70-ci illərdə tikilmiş, köhnə evlərdən olub. 2 mərtəbəli ev idi. Yanğın gecə saat 2-də evin yuxarı mərtəbəsində başlayıb. Heç kim hiss etməyib. Elə tüstüdən boğulublar, cəsədlər də yanıb. 2 övladları 1-ci mərtəbədə nənələri ilə qalırdılar. Tüstüyə oyanan qadın uşaqları tez evdən çıxarıb. Onlar ciddi xəsarət almayıblar. Yanğının hansı səbəbdən baş verdiyi hələ araşdırılır".
Reytinq: