Azərbaycanda 5 nəfər maşının altında qalıb öldü

Azərbaycanda 1 gündə 5 nəfər avtomobil vurması nəticəsində ölüb. Lent.az xəbər verir ki, şənbə günü Bakıda 3 piyadanın ölümü ilə nəticələnən yol qəzaları baş verib. Belə ki, Nizami rayonu Heydər Əliyev prospektində "Opel" markalı minik avtomobili 36 yaşlı qadını vurub öldürüb. Xəzər rayonu Buzovna qəsəbəsində isə "Howo" markalı yük maşını 66 yaşlı kişini vurub öldürüb. Bundan başqa Aeroport yolu kimi tanınan şosesinin Binədən keçən hissəsində "Daewoo" markalı avtobusun dayanacağa çırpılması nəticəsində 1 piyada ölüb, daha bir nəfər isə yaralanıb.
Oxşar hadisələr Abşeron rayonunda və Sumqayıt şəhərində də baş verib. Abşeron rayonu ərazisində - Bakı-Quba yolunun 20-ci kilometrliyində "Hyundai" markalı minik avtomobili şəxsiyyəti məlum olmayan kişini vurub öldürüb. Eyni markalı digər avtomobil isə Sumqayıtın Tağıyev qəsəbəsində 17 yaşlı oğlanı vuraraq onun həyatına son qoyub.
Hər bir faktla bağlı araşdırma aparılır.