Polis tanınmış şairi saxlayıb, 2 gün sonra buraxdı – CİNAYƏT İŞİ

Şair Mübariz Məsimoğlu barəsində cinayət işi açılıb. Lent.az xəbər verir ki, Sabunçu rayon Polis İdarəsində onun barəsində Cinayət Məcəlləsinin 178-ci (dələduzluq) maddəsi ilə iş başlanılıb. Hazırda istintaq tədbirləri davam etdirilir.
M.Məsimoğlu barəsində polisə ərizə şikayətini onun bacısı verib. Belə ki, şair bacısından bir müddət əvvəl 50 min manat borc alıb. Pulu geri qaytarmadığından qadın qardaşı barəsində polisə müraciət edib. M.Məsimoğlunun barəsində Cinayət Məcəlləsinin 178.3.2-ci (külli miqdarda ziyan vurmaqla dələduzluq etmə) maddəsi ilə cinayət işi başlanıb və saxlanılıb. M.Məsimoğlu saya açıqlamasında bildirib ki, hazırda azadlıqdadır. Onun sözlərinə görə, polis tərəfindən iki gün saxlanılıb, lakin rayon məhkəməsi həbs qərarı verməyib: ''Məni polis tutumuşdu. İki sutka qeyri-qanuni saxlanılmışam. Həbs-qətimkan tədbiri seçilməsi üçün təqdimat yazılıb, məhkəmə onu rədd edib. Buna görə də məhkəmədən azadlığa buraxıldım. İyunun 13-də azadlığa çıxmışam. Rayon Məhkəməsi barəmdə həbs qərarı vermədiyindən onlar apelyasiya şikayəti verdi. Apelyasiya Məhkəməsi də rayon məhkəməsinin qərarını qüvvədə saxladı”.