Yardımlıda meşə yanğını başlayıb

Yardımlı rayonu ərazisində meşə yanğını başlayıb.
Fövqəladə Hallar Nazirliyinin saytı xəbər verir ki, nazirliyin Böhran Vəziyyətlərində İdarəetmə Mərkəzinə Yardımlı rayonunun Şıxlar kəndi yaxınlığında çətin keçilən dağlıq ərazidə meşə zolağında yanğın başlaması barədə məlumat daxil olub.
Hazırda nazirliyin Dövlət Yanğından Mühafizə Xidmətinin qüvvə və texnikası, Meşə Təsərrüfatı İdarəsinin əməkdaşları və yerli əhali hadisə yerindədir. Yanğınsöndürmə işləri davam etdirilir.