Bakıda çoxmərtəbəli yaşayış binasında yanğın baş verib

Bakı şəhəri, Xətai rayonunda çoxmərtəbəli yaşayış binasında yanğın baş verib.
Trend Fövqəladə Hallar Nazirliyinin mətbuat xidmətinə istinadən xəbər verir ki, binanın 3-cü mərtəbəsində yerləşən, vətəndaşa məxsus ümumi sahəsi 65 kv.m olan 2 otaqlı mənzilin 1 otağının tavanı, ev əşyaları 20 kv.m və dəhlizdə paltar şkafı 4 kv.m sahədə yanıb.
Mənzilin qalan hissəsi yanğından mühafizə olunub və yanğın yanğınsöndürənlər tərəfindən söndürülüb.