Gəncədə ağır yol qəzası baş verib

Bu gün gecə saat 1 radələrində Gəncə şəhəri Nəriman Nərimanov prospektində ağır yol nəqliyyat hadisəsi baş verib.
Kəpəz TV xəbər verir ki, bu gün gecə saat 1 radələrində Gəncə şəhəri Nəriman Nərimanov prospektində ağır yol nəqliyyat hadisəsi baş verib. Nəticədə 5 nəfər xəsarət alıb.
Gülüstan qəsəbəsində şəhər istiqamətinə hərəkət edən Daewo markalı minik maşını yolun qadağan olunmuş ərazisinə keçərək qarşı tərəfdən gələn "Niva" və "Vaz 21015" markalı avtomobillərlə toqquşub.
Qəza nəticəsində hər iki avtomobildə olan sərnişinlər Gəncə şəhər TTYX- a çatdırılıblar.
Vəziyyəti ağır olan iki nəfər Mərkəzi Klinik xəstəxanasına göndəriblər. Faktla bağlı Gəncə şəhər polis idarəsində araşdırma aparılır.