Paytaxtda saxta əskinas "ustası" saxlanıb

Bakı sakinindən saxta əskinaslar aşkarlanıb.
Daxili İşlər Nazirliyindən verilən məlumata görə, 39 ədəd saxta 20 manatlıq saxta əskinas Bakı şəhər sakini Vüsal Cəlilovdan götürülüb. V.Cəlilov Sabunçu Rayon Polis İdarəsi 13-cü Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində saxlanılıb. Aparılan araşdırmalar nəticəsində onun Nizami rayonu ərazisində kirayədə yaşadığı mənzilə baxış zamanı 1 ədəd “HP” markalı rəngli printer aşkar edilərək götürülüb.