"Qalatasaray"ın yeni baş məşqçisi müəyyənləşdi

"Qalatasaray"ın yeni baş məşqçisi Mirça Luçesku olacaq. Bu iddia ilə Türkiyə mətbuatı çıxış edib.
Bildirilir ki, klubun prezidenti Dursun Özbekin qardaşı və İdarə Heyətinin üzvü Mehmet Özbek dünən keçrilən "Zenit" - "Terek" matçını canlı izləyib. O, oyundan sonra rumın mütəxəssislə fikir mübadiləsi aparıb.
Məlumatlara görə, Luçesku mövsümün sonunda "Zenit"dən ayrılacaq. Onun taleyinə mayın 22-də aydınlıq gələcək. Bundan sonra isə o, Türkiyəyə üz tutacaq.
Qeyd edək ki, Luçesku 2000-2002-ci illərdə "Qalatasaray"ı çalışdırıb. Komanda onun rəhbərliyi altında UEFA Super Kubokunu (2000) və Türkiyə çempionluğunu (2002) qazanıb.