İslamiada: Azərbaycan qızıl medal sayını 75-ə çatdırıb

Azərbaycan yığması IV İslam Həmrəyliyi Oyunlarında liderliyi davam etdirir.
APA-nın məlumatına görə, Azərbaycan idmançıları 75 qızıl, 46 gümüş və 33 bürünc medal qazanıblar.
Millimiz ümumi sıralamadakı liderliyini qoruyub. Yığmamız mükafatların əyarına görə tərtib olunan cədvəldə Türkiyəni (68 qızıl, 63 gümüş və 54 bürünc) arxada qoyub.
Üçüncü pillədə 31 qızıl, 26 gümüş və 33 bürünc medalla İran qərarlaşıb.