Azərbaycan millisi ilə yeni müqavilə bağlaya bilərəm` - Robert Prosineçki

"Bu gün Azərbaycan yığması ilə yeni müqavilə bağlaya bilərəm”. Apasport.az saytının məlumatına görə, bu sözləri millimizin baş məşqçisi Robert Prosineçki deyib.
Ölkəsi Xorvatiyada sportarena.hr saytına açıqlama verən Prosineçki millimizdə qalacağını istinsna etməyib.
O, bu gün AFFA rəhbərliyi ilə görüşəcəyini bildirib: "Bakı fantastik şəhərdi. Burda iş görmək üçün hər cür şərait var. Övladlarım beynəlxalq məktəbdə təhsil alırlar. Azərbaycanda olmaq mənim üçün böyük şərəfdi. Bu yığma ilə çox iş gördük. Bunu qiymətləndirməmək olmaz. Amma yeni müqavilə imzalamağın ambisiyama uyğun olub-olmayacağına əmin deyiləm. Yeni hədəflər uğrunda özümü yoxlamaq istərdim. Buna görə də, hələ qəti qərarımı verməmişəm”.
Qeyd edək ki, Robert Prosineçkinin AFFA ilə müqavilə müddəti dekabra qədərdi.