"Qarabağ" "Real"ın sabiq üzvünü transfer edir

"Qarabağ"ın ilk əcnəbi transferi İspaniyadan olacaq.
Ağdam klubu Jayme Romero Qomesi heyətinə qatmağa hazırlaşır. 28 yaşlı ispaniyalı yarımmüdafiəçi ilə yaxın günlərdə müqavilə imzalanacaq.
Qeyd edək ki, futbolçu 2017-ci ildə "Osasuna"dan İspaniya Sequndasında çıxış edən "Kordoba”ya 500 min avroya transfer olunub. O, bir neçə gün əvvəl yollarını ayırdığı komandanın heyətində son mövsümdə 32 rəsmi oyuna çıxaraq 2 qol vurub və 2 məhsuldar ötürmə edib. Jayme Romero həmçinin "Albasete", "Udineze", "Bari", "Qranada", "Orduspor", "Luqo" klublarında və "Real"ın B komandasında forma geyinib.