"Barselona"nın ulduz futbolçusu rəsmən "Yuventus"da

Braziliya millisinin və “Barselona” klubunun ulduz müdafiəçisi Dani Alveş “Yuventus”a transfer olunub. Braziliyalı müdafiəçi Turin təmsilçisi ilə 2+1 illik müqavilə imzalayıb. Bu barədə “Qoca Sinora”nın rəsmi saytında məlumat yayılıb.
Dani Alveş 8 il “Barselona”da forma geyinib. Katalon klubuna braziliyalı “Sevilya”da transfer olunub. Futbolçu “Sevilya” ilə 5 kubok qazanıb. “Barsa” ilə 23 kubokm başı üzərinə qaldırıb. Dani Alveş demək olar ki, klublararası keçirilən bütün turnirlərin qalibi olub. O, Braziliya yığması ilə 2007-ci ildə Amerika kubokunun qalibi olub. “Barselona”da 247 oyuna 14 qol vurub. Ötən mövsum isə çempionatın bütün oyunlarında meydana çıxıb. Braziliyalı 8 məhsuldar ötürmə edib və 1 qol vurub.