Keçmiş məhkum çətənə tarlasının bəhrəsini görə bilmədi

Sabirabad sakininin həyətyanı sahəsində çətənə kolları və marixuana aşkar edilərək götürülüb.
Daxili İşlər Nazirliyinin (DİN) mətbuat xidmətindən verilən məlumata görə, Sabirabad RPŞ əməkdaşlarının həyata keçirdikləri əməliyyat-axtarış tədbirləri nəticəsində Yenikənd kənd sakini, əvvəllər məhkum olunmuş Vəlixan Rəhimov saxlanılıb.
Onun həyətyanı sahəsində kultivasiya yolu ilə yetişdirilmiş 40 ədəd çətənə kolu və 1 kiloqram 150 qram marixuana aşkar edilərək götürülüb.