Ötən il Azərbaycanda istehlak bazarı 2%-dən çox artıb

2017-ci ildə Azərbaycanda istehlakçıların tələbatlarının ödənilməsi məqsədi ilə satılmış məhsulların və göstərilmiş xidmətlərin dəyəri 45,3 mlrd. manat olmaqla 2016-cı ilə nisbətən müqayisəli qiymətlərlə 2,2% artıb.
Dövlət Gömrük Komitəsindən verilən məlumata görə, qeyri-dövlət sektorunun təsərrüfat subyektləri tərəfindən satılmış məhsulların və göstərilmiş xidmətlərin dəyəri əvvəlki ilin səviyyəsini real ifadədə 2,4% üstələyərək 43,5 mlrd. manata bərabər olub, onun 52,3%-i fərdi sahibkarların fəaliyyəti sayəsində formalaşıb.
Hesabat ilində bir istehlakçı orta hesabla ayda 387,9 manatlıq və ya 2016-cı ilin müvafiq göstəricisi ilə müqayisədə 48,8 manat çox əmtəə alıb və ödənişli xidmətlərdən istifadə edib.