Demo Sayt » iqtisadiyyat » Deputat karantində olan azərbaycanlılara dəstək olan fermerə təşəkkür etdi


Deputat karantində olan azərbaycanlılara dəstək olan fermerə təşəkkür etdi

31-03-2020, 15:45
Çap et
Deputat karantində olan azərbaycanlılara dəstək olan fermerə təşəkkür etdi Deputat İqbal Məmmədov "Relax" istirahət mərkəzində karantində qalan vətəndaşlara dəstək olan fermerə təşəkkür edib.
İqbal Məmmədov bildirib ki, leriklilər yenə öz qonaqpərvərliklərini sübut etdi: "Bilirsiniz ki, müxtəlif ölkələrdən çarter reyislərlə ölkəyə gətirilən azərbaycanlıların bir qismi Lerikdə yerləşən "Relax" istirahət mərkəzində yerləşdirilib. Karantində olan vətəndaşlarımıza dövlət və "Relax" istirahət mərkəzinin rəhbərliyi tərəfindən hər cür dəstək göstərilir. Əlbəttə leriklilər də karantində olan insanlarımıza öz dəstəyini əsirgəmir. Hətta lerikli fermer Fərzəli Şahbazov "Relax" istirahət mərkəzinin rəhbərliyinə müracət edərək karantində olan vətəndaşlarımıza bir dana bağışlamaq istədiyini söyləyib. Leriklilərin bu çətin vəziyyətdə dövlətimizə və insanlarımıza dəstək olması sevindiricidir. İnanıram ki, biz bu bəladan həmrəy olaraq tezliklə qurtula biləcəyik".
Reytinq: