İlham Əliyev: “Xarici borcu nəzarətdə saxlamalıyıq”

Özəl sektorun inkişafına çalışacağıq. Aşağı səviyyədə kreditlərin verilməsi və iqtisadiyyatın şaxələndirilməsi bizim üçün əsas prioritetdir.
Heqiqet.az Gün.Az-a istinadən xəbər verir ki, bunu Azərbaycan Prezidenti İlham Əliyev Asiya İnkişaf Bankının (ADB) Rəhbərlər Şurasının 48-ci İllik Toplantısında çıxış edərkən deyib.
Ölkə başçısı qeyd edib ki, bu sahə diqqət mərkəzində saxlanacaq.
İlham Əliyev xarici borcun mümkün qədər aşağı səviyyəyə salınacağını bildirib.
“Bu gün xarici borc ÜDM-in 9-10 faizidir. Hesab edirəm ki, bu çox gözəl göstəricidir. Lakin bunu biz hər zaman nəzərə almalıyıq ki, bu sahəyə diqqət yetirilməsə, bu borc arta bilər. Sonra hansısa tədbir görülməsi üçün gec olar”.