Rusiya məhsulu yerli istehsaldan niyə ucuzdur?

Rusiya rublunun devalvasiyası ölkə istehsalçılarının işinə yarayıb. Ucuz rubl ilə qonşu ölkələrdə rəqbət üstünlüyü əldə edən Rusiya istehsalçıları Azərbaycan bazarında da yer tutmağa başlayıblar.
Heqiqet.az “Marja”ya istinadən xəbər verir ki, artıq Azərbaycan marketlərində Rusiya istehsalı olan meyvə nektarları yerli istehsal olan nektarlardan daha ucuz satılır.
Məsələn, Rusiyanın “Pridonie” şirkətinin istehsalı olan “Мой” nektarı marketlərdə 1,17 manata satılır. Azərbaycan istehsalı olan “Jalə”, “Vita1000” nektarlarının qiyməti isə çeşidindən asılı olaraq 1,30-150 manat civarındadır. Alıcıların da ucuz Rusiya istehsalı olan məhsula üstünlük verildiyi müşahidə olunur.
Azərbaycanın Milli Məclisi antidempinq haqqında qanun qəbul edib. Qanuna görə, xaricdən idxal olunan məhsullara görə, əgər müvafiq məhsul Azərbaycanda istehsal olunursa əlavə gömrük rüsumunun alınması nəzərdə tutulur.