Arvadlarını çiyinlərində daşıdılar - VİDEO

Amerikada əfsanəvi arvaddaşıma çempionatı keçirilib.
Rəngli görüntülərə səhnə olan yarışda 50 cütlük “Finish” xəttinə birinci çatmaq uğrunda mübarizə aparıb.
Həyat yoldaşlarını çiyinlərinə alan kişilər finiş xəttinə birinci çatmaq üçün var gücü ilə çalışıb. Məsafə o qədər uzaq olmasa da yolda düzülən mənelər iştirakçılara çətin anlar yaşadıb. Kimisi yarı yolda mübarizəni dayandırıb, kimisi evliliyin fəlsəfəsinə uyğun olaraq həyat yoldaşları ilə sonadək irəliləməyə çalışıb.
Təkcə onu demək kifayətdir ki, yarışın keçirildiyi yola 278 maneə düzülüb. Çiyinlərindəki ağırlıqla gah gölməçədən keçən, gah da odunların üstündən tullanmalı olan yarış iştirakçıları finiş xəttinə çatmaq üçün bir saatdan çox ayaq döyüb. Yarışı çempion kimi tamamlayan cütlük 1 saat 5 dəqiqəlik göstərici ilə fəxri kürsüyə qalxıb.