Şirkət konseptin sirrini açıqladı

“BMW” şirkəti M4 modifikasiyasının yeni konseptinin sirrini açıb. Təkmilləşdirilmiş kupenin adına “GTS” əlavə edilib. Bu hərflər modelin gələcəkdə versiyalı ola biləcəyindən xəbər verir. Avtomobilin təqdimatı Pebbl-Biçdə keçiriləcək müsabiqədə olacaq.
Avtomobilin banı hazırlanarkən alüminiumdan və karbon lifindən istifadə edilib. Yenilik enli hava çıxıntıları, palçıq qoruyucuları, qabaq splitter, diodlu “OLED” fənərləri, həmçinin 19- və 20-düymlük təkər diskləri ilə təchiz edilib.
Avtomobilin salonunda “Recaro” idman oturacaqları və qoruyucu karkas quraşdırılıb. Kupe, həmçinin idman asılqanı, təkmilləşdirilmiş 3,0-litrlik 6-silindrli “TwinPower Turbo” mühərriki alıb.
Mühərrik su sıçratma xüsusiyyətinə də malikdir. Şirkətdən iddia edirlər ki, bu xüsusiyyət gücü və fırlanma anını artırır. Avtomobilin digər texniki göstəriciləri hələlik sirr olaraq saxlanılır.