Atasına görə karyerasına ara verdi

“Oskar”lı aktrisa, “Milyon dollarlıq uşaq” və “Kişilər ağlamaz” filmlərinin ulduzu Hilari Suonk atasına baxmaq üçün karyerasına fasilə verib.
Xarici mətbuatın məlumatına görə, aktrisa Hollivuddan gələn film təkliflərini rədd edir. Bir qədər əvvəl atası Stefan Suonka ağciyər köçürülən Hilari artıq onunla birlikdə yaşadığını və ona qulluq etməli olduğunu bildirib:
“Mən onun yeganə qulluqçusuyam. Verdiyim fasilə gözümü yumub-açanadək qurtaracaq. Çox gözəl iş fürsətləri əlimə düşdü. Amma ailəm mənim üçün önəmlidir. Köməyə ehtiyacı yarandığı vaxt atamın yanında olmasam, sonra peşmançılıq yaşayaram”.